البلياتشو (خاطرة)

                                                 

                                                                              البلياتشو

 هناك من يكتب ( ههههههه ) و عينه مليانه دموع علشان مايبانش انه من جواه موجوع و ساعات بيضحك و قلبه يبكى من همه
عادى ان الحزن يبقى من ضرورات الحياة و عادى ان جروحك من اقرب الناس ليك تجننك و عادى تتمنى شئ مش ليك و عادى اننا بقينا بنخاف نحلم لنقوم على كابوس و عادى لما تلاقى كل شئ حواليك محبط بس انت مطنش ......
تعرف لما تتمنى شئ و تحس بحسرتك لخسارتك له .. احساس وحش اتمنى ماتجربوش ....
تعرف تبقى مسالم فى حياتك و تلاقى اللى ينغص عليك سلامك النفسى .. ابعد عنه اعتزله احسنلك
كلها ادوار و بنعيشها .. كلها و شوش و بنلبسها .. و ادينا عايشين زى البلياتشو.

                        بسنت                

ضوء الشمعه

عينيك لما بتحزن بتشع ضوء غريب
عامل زى ضوء الشمعه وسط الضلمه
 و كأنها بتقول
 انا لسه بسحرى رغم الغيوم
...
 عجباً لك  !!
 عينيك قادره تدينى الامل رغم انها محتاجه
 اللى يديها الامل
قولى سحرك دا ازاى اقاومه  ..
...
هتقولى انت فهمت عقلى و حبيته
 و حسيت قلبى و عشقته ..
 لكن ابعد عنى 
انت حبك بيألمنى..
بيحسسنى بضعفى ..
...
و اقولك!!
هو الحب ايه غير ارض واسعه و خصبه وغنيه
 بتغذيها بالمشاعر الرقيقه والعفية
 ارض ما يدخلهاش غير شخص واحد
 و بتفضل ملكه مدى الحياه
 بتعذب نفسك ليه؟؟ بتقاومنى ليه؟؟
و انت عارف انى انا صاحبة الارض الوحيده..




              ***       بسنت      ***

ورده ف كتابى

عمرى يوم ما قفلت بابى

و انتى رايحه و انتى جايه

خلف شيشى و فوق سطوحى

بين يأسى و بين طموحى

خطوه تبعد عن طريقى

و خطوه بترجعلى روحى

******

ورده .. شايلك ف كتابى

جوة ظرف ازرق سماواى
وكل ما  آجى أفتحه

معرفش ليه بسمع غناوى

تحضن الليل اللى ساكن

جوه قلبى و فوق سمايا

تنشر الدفء ف أماكن

******

رغم انك مش معايا

بس لسه ليكى عندى

ورده شايلها ف كتابى

بين عذابها و بين عذابى

جدرها ف قلبى انغرس

تطرح الاحلام ف قلبى

رغم ان قلبها

بين دفاترى اتهرس

******

ورده دبلت بس لكن

لسه متعلق بعودها

لونها احمر بس داكن

زى حمرة لون خدودها

زى شمسى  لما توعد

و زى ما بتخلف وعودها

******

لسه فاكرك.. مش ناسيكى

وعمرى يوم ما قفلت بابى

بس دقى انتى الجرس 

------------------------------

    خالد الاقصرى

ابتسم

إبتسم ... 

حبيبى ابتسم
لتجعل لأيامى طعم ،،،
 أبتسم لتعيد لقلبى الامل ،،
أبتسم يا مستقر روحى .و الراحه التى ابحث عنها دائماً 

حتى عينيك الحزينه اعشقها .. 
عشقى لك يبدو صغيراً بجوار قلبك الوردى
ام اكون اكثر صراحة و اُفصح عن عشقى لتقسيمات شفاهك الرقيقه و انت تتحدث و انت تبتسم و انت صامت او و شفاهنا ملتصقتين ببعضهما تتهامسان بحديث الأحبه عن عشق لا ينتهى عن نبع لا ينضب ابداً ..
هل تعلم انى ارى و اشعر بنبضك بين شفاهك !! نعم فأنا اكاد المس قلبك بتلاقى شفاهنا و انغماسها بين نغمات قبلاتنا نتحدث معاً حديث لا يفهمه العقل فيتوارى عن الوعى اشعر وقتها اننى بداخل كل ذرات كيانك و انا اُسقيك و تُسقينى ذلك المخدر الرقيق المسمى بشهد الرضاب .

كيف اكون بجانبك و تكون تعيساً!!
 اشعر بعجز احياناً و انا انظر اليك و ارى بكاءٍ مكتوم يتوارى خلف عينين جميلتين تبحث عن صرخه تُخرج بها كل آلامها لتعلن عن عجزها امام قسوة الحياه و تقول هل من منقذ لى من تجريحات الايام هل هناك من يحتوى ما بصدرى من آهاتٍ حزينه هل هناك من يزيل عنى الآمى لانى لم اعد اطيقها وحدى 

                                  ابتسم يا صفى القلب
يا انقى من رأت عينى 

                                  أبتسم يا رفيق الدرب
فأنا معك اشعر بعذابك 

                                   لست  ابدا وحــدك 

بســـــــــــــــــــــــنت

                     

يا .. بلاش

كل الكلام بقى زيف..

 و الحق مانعينه .

العدل لو كان سيف

يبقى على جبينه .

 قولولى ابكى كيف ..

و الدمع من عينه

و دموعنا مش ببلاش ..

دى عيوننا شياله

درويش وشال سبحته

بيلف ع القاعدين

هيمان بقى ف مشيته

بيخطى ع الفدادين

بياخدنا ليه ف سكته

ناسا و ثقافه و دين

ماهو الكلام ببلاش ..

و الكدب بقى حاله

فوق الكراسى تيوس

و ناس بتحرسها

وشوش فوقيها وشوش

الضحكه تخرسها

يا شعب يا منحوس

غاليه ترخصها

 وتبعيها ليه ببلاش ..

 ياشعب يا بقاله

بعت الوطن بالزيت

و دى كل احلامك

نصبوا العزا و عزيت

يا مُرّ ايامك

فتحت باب البيت

لقيته قدامك

ياتشترى يا بلاش   ..

حريه و عداله
                                                              خالد الاقصرى

انا المسجون

ضيعنا نص العمر نتردد 
ولا بنعصى و لا بنتــوب
ما بين هذا و بين ذلك ...
فواتير وييجى يوم 
و تتسدد ..
...
مستنى ايه بعد الغروب ..
غير الضلام ..حــــــالك..
...

أنا واحد من المســاكين

ليلاتى انده على فجرى

و مهما اجرى بيسبـقنى

و برد الليـل بيحـــرقنى

بشوف نوره من الزنازين

رمى ضــلُّه على صدرى

رَسَــــم قضبانه و صليبه

كِرِه سجَّــــانه و حبيـــبه

بيخلف كل يوم وعــــدى

وكيف م البعد انا جيبه
...

ده انا إنسان

و مش قاضى

و انا المسجون 

و ليه راضى !!!

ولما أكون  أنا السجـــــان

ليه بيحلالى تعذيبه ....؟؟
--------------------------

خالد الاقصرى