لحن م النوبه
زرعتى الورد فى خدودك
و قولتى يامين ..هيبوسها
و عود الفل من عودك
على الياسمين ..يونسها
و التمر حنه فى ضفايرك
و لا البساتين ..بتحرسها
و رسم الحنه على ايدك
طلاسم سحر مكتوبه
و لما تطيب عناقيدك
اغنى لحن م النوبه
"إسمِنقا تاما أي تاجِّرين "
الاقى البحر ف عينه
فردت شراعى جوها
ده انا شطك و مرساها
شفايفك لو تقول اها
انادى تانى " أي دُولِّرين "
يزيد واحد ع العاشقين
يدوق شهدك و عنابك
كتب اسمه على بابك
كتبتى اسمك على جبينه
يا عود اخضر قصاد بيتنا
رويته صار شجر طارح
يا حلمى لما اكون صاحى
يا تنهيده ..... و انا سارح
___________________________________
خالد الاقصرى
-"إسمِنقا تاما أي تاجِّرين ".........( أتمتم بإسمك دائماً )
-" أي دُولِّرين " ......................... (أنا بحبِّك)
-" أي دُولِّرين " ......................... (أنا بحبِّك)
وهل هناك تعليق اجمل من الله الله الله (داليا)
ردحذفرائعة بطعم النوبة وغامضة زى تاريخها وسلسة زى نيلها وساحرة زى لغتها.. واحلى ما فيها انك طعمتها بلغتها بجد جميييلة اوى
ردحذفانا شخصيا عجبتنى معانى الكلمات النوبيه جدا وتوظيفها فى مكانها تمام
حذف