كل الكلام بقى زيف..
و الحق
مانعينه .
العدل لو كان سيف
يبقى على جبينه .
قولولى ابكى كيف ..
و الدمع من عينه
و دموعنا مش ببلاش ..
دى عيوننا شياله
درويش وشال سبحته
بيلف ع القاعدين
هيمان بقى ف مشيته
بيخطى ع الفدادين
بياخدنا ليه ف سكته
ناسا و ثقافه و دين
ماهو الكلام ببلاش ..
و الكدب بقى حاله
فوق الكراسى تيوس
و ناس بتحرسها
وشوش فوقيها وشوش
الضحكه تخرسها
يا شعب يا منحوس
غاليه ترخصها
وتبعيها
ليه ببلاش ..
ياشعب يا
بقاله
بعت الوطن بالزيت
و دى كل احلامك
نصبوا العزا و عزيت
يا مُرّ ايامك
فتحت باب البيت
لقيته قدامك
ياتشترى يا بلاش ..
حريه و عداله
خالد الاقصرى
خالد الاقصرى
ليست هناك تعليقات:
إرسال تعليق