عمرى يوم ما قفلت بابى
و انتى رايحه و انتى جايه
خلف شيشى و فوق سطوحى
بين يأسى و بين طموحى
خطوه تبعد عن طريقى
و خطوه بترجعلى روحى
******
******
ورده .. شايلك ف كتابى
جوة ظرف ازرق سماواى
وكل ما آجى أفتحه
وكل ما آجى أفتحه
معرفش ليه بسمع غناوى
تحضن الليل اللى ساكن
جوه قلبى و فوق سمايا
تنشر الدفء ف أماكن
******
******
رغم انك مش معايا
بس لسه ليكى عندى
ورده شايلها ف كتابى
بين عذابها و بين عذابى
جدرها ف قلبى انغرس
تطرح الاحلام ف قلبى
رغم ان قلبها
بين دفاترى اتهرس
******
******
ورده دبلت بس لكن
لسه متعلق بعودها
لونها احمر بس داكن
زى حمرة لون خدودها
زى شمسى لما توعد
و زى ما بتخلف وعودها
******
******
لسه فاكرك.. مش ناسيكى
وعمرى يوم ما قفلت بابى
بس دقى انتى الجرس
------------------------------
خالد الاقصرى
انا حبيت الورده وعاوزة اعرف فى انهى كتاب :))
ردحذفكتاب حياتى
حذفرااااااائعة .. مبدعة ... ياريتنى انا الكتاب اللى شايل الوردة بين صفحاته - تسلم ايديك
ردحذف